Bikaner - 駱駝牧場

Bikaner除了老鼠神廟還有一個駱駝牧場，駱駝牧場正式來說是駱駝的研究中心，由印度政府營運，牧場內飼養了三個不同品種的駱駝；牧場內除了可以親親駱駝和騎駱駝外，還設有一個駱駝博物館簡單介紹牠們的品種和習性。

如果單純是睇駱駝和參觀博物館，我絕對不會山長水遠包一部Tuk Tuk都去，令我非來不可的原因是Lonely planet話「呢．度．可．以．飲．駱．駝．奶」就是這句說話，我就決定一定要來。

下 午2點多，我就跟旅館認識的德國老爺爺包車來到牧場，環顧四周只見到2-3隻駱駝被關在圍欄內；甘大個牧場得2-3隻，唔係掛？！於是我們就問這 裡的工作人員，工作人員話，每天的早上都會帶駱駝去附近的沙漠放牧，直到黃昏的時候駱駝群才會回來；真係無諗過，原來駱駝都會放牧。等到四點幾，看見 不遠處揚起一陣塵土，我就知道駱駝大軍終於都回來了！


駱駝大軍由一千幾隻駱駝組成，牠們排成兩行，一個跟住一個非常有秩序地進入牧場。駱 駝大軍一返到牧場就被分批安置到圍欄內，每一隻駱駝一入到圍欄就第一時間衝埋去正中心的水糟飲水，可能因為太迫的緣故，總係會見到1-2隻駱駝因為分贓唔勻而發生「口角」，繼而動武。

飲飽食醉之後，總會有幾隻駱駝 一齊走去圍欄ge邊沿，一邊嘴gelgel甘，睇住佢地個得得逞逞個樣，真係笑鬼死。

望住佢個樣，真係笑鬼死haha(P.S 其實佢個口好臭)

牧場的中心有一間紀念品店和福利社，不過賣的全部都是地毯和其他的紡織品，我就唔係好感興趣，況且我心繫駱駝 奶，所以係入面望左2望就飛左去格離福利社。駱駝奶一包10Rs(HKD 2),起初我以為它跟羊奶一樣會好酥,不過飲落，酥味不多。

福利社除了有賣牛奶，還有賣自家出品的駱駝奶雪糕和奶茶，原本我都無諗住買泥試下（畢竟係印度食雪糕雪條係一件好玩命ge事）不過飲完駱駝奶又令我一試上引，就算冒住肚痛ge風險，我都一定要買泥試下。

我記得細個跟屋企人去澳洲旅行亦都食過用鮮奶整成ge雪糕，果種感覺的確要比平時用奶粉整成的雪糕要香要滑，可惜用鮮奶整的雪糕成本實在太高（當時一個雪糕筒就已經十幾、二十蚊港紙）不過呢度賣的一杯駱駝奶雪糕才不過30Rs即5蚊港紙，可以話抵到爛hahaaa




開放時間：
入場費：50Rs(9HKD)
交通：駱駝牧場位於市郊地區，沒有公共巴士往來。唯一能夠往來的交通就係Tuk Tuk車，價錢大約是250-300/per car來回（2012年12月），以及大約2個半小時在牧場停留。
*行程上建議*可以考慮在早晨的時間先出發去老鼠神廟，然後在中午時候回到城內用膳，然後再出發去牧場。行程上不會太趕（因為老鼠廟不大，不會長時間留在那邊），而且牧場上午還未開放。